Astelehenean Laura Luelmo zamorarraren gorpua aurkitu zuten Huelvan (Espainia). Korrika egitera atera zenetik desagertuta zeramatzan egun batzuk, eta atzo berak hil zuela aitortu zuen susmagarri nagusiak. Hilketa matxista salatzeko, korrikaldi aldarrikatzailea eta elkarretaratzea egin zituzten atzo Zarauzko Emakume Korrikalariek. Herriko kaleetara eraman zituzten "libre libre libre, korrika!" bezalako aldarrikapenak.