"Akuarelaren transparentzia eta argitasuna maite ditut. Olioak margotzen hasi nintzen jubilatu ondoren, baina akuarela ezagutu nuenetik, teknika horrekin jolasean eta borrokan nabil. Kuttunena da niretzat. Nire kasa jarduten naiz lanean.
Akuarela margotzea ez da gauza erraza, baina satisfakzio asko ematen ditu. Kolore eta formen bidez nire sentimenduak eta emozioak nahi ditut adierazi. Umorearen arabera koloreei uretan mugitzen uzten diet eta lortutako emaitzaz baliatzen naiz lana bukatzeko.
Erakusketa hau osatzen duten akuarela batzuk abstraktuak dira, nire intuizioari jolasten utziz margotutakoak. Figuratiboak, berriz, gure herriko eta atzerriko paisaiak dira".