Ondorengoak izango dira abenduaren 21ean, ostirala, Putzuzulo Gaztetxean koplatan ariko diren bertsolariak: Beñat Lizaso, Manex Agirre, Libe Goenaga, Aitor Mendiluze, Paule Loizaga, Maialen Lujanbio, Iñigo Mantzizidor Mantxi, Eneko Lazkoz, Oihana Bartra eta Maialen Akizu. Aurkezle lanetan, berriz, Beñat Intxauspe eta Usua Martinez Maritxalar ariko dira.
Sarrerak, abenduaren 5ean
Aurrez erosi beharko dira sarrerak Kopla Txapelketarako. Abenduaren 5ean, Musika Plazan jarriko den mahaian eskuratzeko aukera izango da, 6 euroan, 18:30etik aurrera. Bakoitzak, gehienez, bost sarrera eskuratzeko aukera izango du.