Arraio Irratiak (FM 99.3) hasiera eman dio denboraldi berriari, eta aurten, zenbait berrikuntza izango direla iragarri dute. Oraingoan, Galdedebalde irratsaio berria sortu dute oraindik ezezagunak diren zenbait kidek. Astelehen gauetan arituko dira zuzenean, Putzuzuloko Gela Arroxetik "lagunen arteko eztabaida klasiko, ez hain klasiko eta surrealistak irratian azalaratzen".
Datorren astelehenean, urriak 8, izango da Galdedebalderen aurkezpen saioa. "Astelehen gauetan iritzi edota paranoiei izen-abizenak edo ezizenak jartzera gatozena. Parte hartze ireki batekin disfrutatzeko prest, egin Galdedebalde zure imaginazioa askatuz!".