Bart gauean, konexio elektriko batek su hartu duela eta, ke beltza ateratzen hasi da Ipar kaleko eraikin batetik, eta kale horretako eta kale Nagusiko hainbat etxetan argindarrik gabe geratu dira. Zenbait herritarrek larrialdietara deitu, eta udaltzaingoa, ertzaintza eta suhiltzaileen hiru kamioi bertaratu dira. Inguruko etxeetako hainbat bizilagun kalera atera dira, keagatik beldurtuta. Azkenik, Iberdrolako teknikariek esku hartu dute gertaeran.