Irailaren 23an izango da Euskaraldiaren irekiera ekitaldia

Hiru egun geratzen dira Euskaraldiaren izen-ematea irekitzeko. Zarautzen irailaren 23an, igandea, izango da izen-ematearen irekiera ekitaldia, 12:00etan Musika plazan. Bertan, aurkezleek Euskaraldiaren inguruko azalpen laburra emango dute, eta Euskaraldiaren abestia jarriko dute. Txan Magoa ere bertan izango da. Bitartean, izena emateko aukera izango dute bertaratzen direnek, horretarako mahaiak jarriko baitituzte.