Txaber Altube abadiñoarra eta Imanol Irasuztabarrena alegiarrak zuzenean lortu dute Lizardi Sariko finalerako txartela. Izan ere, osteguneko eta ostiraleko kanporaketetako garaileak izan ziren hurrenez hurren.
Bertso finalean abestuko duten beste lau bertsolariak hauek dira: Imanol Uria (Algorta, Getxo), Aratz Igartzabal (Gabiria), Eli Pagola (Hernani) eta Aitor Salegi (Zestoa).
Finala irailaren 7an jokatuko da, 22:00etan, Gaztelekuko frontoian. Sarrera 3 euro kostako da, eta aurrez salgai egongo dira Turismo Bulegoan.