Eskubaloiko 2018-2019 denboraldiari hasiera emateko, ostiral honetan Bidasoa Irun eta Logroño La Rioja taldeen arteko norgehiagoka izango da Aritzbatalde kiroldegian, 18:30ean. Asobal Ligan jokatzen dute bi taldeek. Sarrera 5 eurokoa izango da 16 urteko ororentzat, bazkide izan edo ez, eta 16 urtetik beherakoek 2 euro ordaindu beharko dituzte.
Bestalde, elkarteko bi talde nagusiek, alegia, Zilar mailan daudenek, denboraldi aurreko partidak jokatuko dituzte larunbatean. Aiala Bera Beraren aurka arituko da Bidebietako kiroldegian, 18:30ean. Amenabarrek, aldiz, Zilar mailara igo berri den Santoña taldearen aurka jokatuko du Aritzbatalden, 18:30ean.