Joan zen uztailaren 7an eta 8an egin zuten ehunka lagunek Marea Urdinak antolatutako itsas zeharkaldia. Autismoa gizarteratzeko xedez antolatu zuten hainbat lagunek proba, eta erantzun aparta izan zuen deialdiak. Orain, zeharkaldiaren inguruko dokumentala kaleratu du Marea Urdinak; hain zuzen ere, igeri egin zuten lagunei –tartean, hainbat zarauztarrek– eta urte osoan zehar Marea Urdina lagundu zutenei esker ona adierazteko egin dute ikus-entzunezkoa, egitasmoaren sustatzaileen arabera.