Photomuseumeko hormetara iritsi aurretik, ibilbide arrakastatsua egina du Sandra Gross argazkilariaren Familiak lanak. Izan ere, Visa off 2016 (Visa pour l'image: International Festival of Photojournalism) jaialdian erakutsi zuen lana; Ara egunkarian argitaratu zuen; eta iaz, Perpignaneko Urrezko Lux Saria lortu zuen Erreportaje-Dokumental kategorian.
Photomuseumeko arduradunek azaldu dutenez, gaur egungo familien aniztasuna azaltzen du artista kataluniarraren argazki-dokumental erakusketak.
Gaurtik aurrera eta abuztuaren 29ra arte egongo da ikusgai Familiak lana.