Larunbat honetan, 10:00etan auzokoen arteko paleta partida izango da Iñurritzako frontoian. 10:30etik aurrera, bertako produktuen azoka egingo dute; barazkiak, eztia, ogiak, gozogintza, gazta, haragia, loreak eta artisau produktuak izango dira, besteak beste. Era berean, haurrentzako Mendi marrazki txokoa izango da frontoian, 11:30ean, eta ipuin kontalaria, 12:15ean. Goiza biribiltzeko, 12:30etik aurrera, txakolin dastaketa egingo dute.
Arratsaldean, Jalgi dantza taldearen erakustaldia izango da, 17:30ean, eta, ondoren, triki poteoa egingo dute Iñurritzako tabernetan, 18:30ean hasita. Kantu afariarekin amaituko dute eguna, 22:00etan; Beñat Intxauspe eta Inar Izetak girotuko dute, eta afaria borondatearen truke eskainiko dute.
Sanpelaioak 2018
Asteburuan abiatuko dituzte sanpelaioak Iñurritza auzoan
Oraindik astebete baino gehiago falta da sanpelaioei hasiera emateko, baina pixkanaka-pixkanaka hasi da giroa berotzen herrian; danborradetako entseguekin, esaterako. Iñurritzan, urtero legez, lehenagotik hasten dira ospatzen. Auzoko jai batzordeak hainbat ekitaldi antolatu ohi du astebete lehenago, eta aurten ere ez du hutsik egingo.
Zarautz Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide