Zarautz Arraun Elkarteak aurtengo trainerua aurkeztu du

Zarautz Arraun Elkarteko kideak Musika Plazan elkartu dira gaur eguerdian, herritarrei aurtengo trainerua osatu duten arraunlariak aurkezteko. Gari Urangak udazkenean hartu zuen entrenatzaile ardura, eta, horrez gain, taldea dezente eraberritu dute; izan ere, iaztik hona zazpi baja izan dituzte. Arraunlari gazteekin eta zenbait beteranorekin osatu dute trainerua, eta, oro har, liga hasierara maila onean iritsiko direla adierazi du entrenatzaileak. Bi aste barru hasiko dute KAE 1 liga Portugaleten, jardunaldi bikoitzarekin.