_02.jpg)
Astelehen arratsaldean ertzainek 21 urteko gizonezkoa atzeman zuten, bikote bati lapurtutako bizikleta bat saldu nahian ari zenean, Zubiaurrezahar kalean.
Ertzainak kaleko jantziekin zeuden, eta susmagarria iruditu zitzaien egoera, lehendik ezagutzen baitzuten ustezko lapurra. Gerturatu eta identifikatu zirenean, gizonezkoak ihes egin zuen bizikletan, baina geroago aurkitu zuten, tren geltokian.
Atxilotu egin zuten, lapurreta delitua egitea egotzita. Orain, ikertzen ari da atxilotuari aurkitutako beste bi bizikleta ere lapurtuak diren ala ez.