12 urtetik gorako haur eta gazteentzat udalekuak antolatu ditu Zarauzko Udaleko Gizarte Zerbitzuetako sailak. Adinaren eta ezaugarrien araberako bi talde osatuko dituztela aurreikusten dute, uztailean eta abuztuan, astean hiru bider eskainiko diren udalekuetarako.
Zarautzen erroldatutako pertsonek 51,55 euroko kuota ordaindu beharko dute hamabostaldi baterako, eta 103,10 hilabete osorako. Zarautzen erroldatuta ez dauden pertsonek, berriz, hamabostaldi baterako 103.12 euroko kuota ordaindu beharko dute, eta 2016,25 hilabete osokoa.
Izena emateko interesa duen familia orok, ekainaren 11 baino lehen egin beharko du. Horretarako, Gizarte Zerbitzuetan edo Herritarren Arreta Zerbitzuan eskuratu dezaketen eskaera orria bete beharko dute eta kuotaren ordainagiriarekin batera Herritarren Arreta Zerbitzuan aurkeztu.