Asteburu honetan jokatu da Zarautzen Superliga Siroko surf txapelketako bigarren proba. Berrian (Kantabria) lortu bezala, Garazi Sanchez algortarrarentzat eta Andy Criere hendaiarrarentzat izan da lehenengo postua.
Nadia Erostarbek ez du Sanchezen puntuazioa gainditzea lortu, baina bigarren postuan sailkatu da zarauztarra. Horrez gain, olatu onenaren El Gaitero saria eskuratu du, olatu batean 8,67 puntuazioa lortzeagatik. Sariari esker, ekainean Razon (Galizia) ospatuko den hirugarren probarako gonbidapena izango du Erostarbek. Ainaya Aymatek, aldiz, laugarren postuan sailkatu da. Gizonezkoen kategorian, bigarren geratu da Ruben Vitoria.