Atzo abiatu zuten herrian Literaturia 2018. Artze izan zuten gogoan, Andoni Salameroren eta Miriam Lukiren eskutik, eta ondoren, eMe taldea aritu zen zuzenean Antoniano aretoan. Gaur, larunbata, liburu azoka izan da Musika Plazan, eta aurkezpen eta solasaldiek hartu dute Garoa liburu denda. Era berean, bi tailerretan parte hartzeko aukera izan dute bertaratutakoek: bata, itzulpen tailerra eta errezitaldia, eta bestea, euskarazko wikipedia tailerra. Asteburu osoan zehar ospatuko dute jaialdia.
Argazkiak: Zarauzko Hitza eta Literaturia.