Gaur goizean ekin diote Udaberri Jubilatuen Elkartearen eta Gizarte Zerbitzuen eraikinaren artean dagoen eremua oinezkoentzat egokitzeko lanei. Bost astez iraungo dute obrek, eta, bitarte horretan, Zigordia kalerantz doazen ibilgailuak Salegi kaletik bideratuko dituzte. Bestalde, Udaberri ondoko ONCEren postutxoa Frontoi Txiki ingurura lekualdatu dute, eta bertan egongo da obrek irauten duten denboran.