Uztailean Humility lehen abestia estreinatu zuten Clash Magazine aldizkariaren laguntzaz, eta abenduan Cruel bigarrena, Upset Magazine eta New Noise Magazine aldizkarien bitartez, kritika onak jasoz. Make me brave da laukotearen hirugarren kantua, eta Already Heard aldizkariak estreinatu zuen martxoaren 30ean; abestiaren bideoa Spill Magazine aldizkariak estreinatu berri du.
Optimo Animo EPko abestiak dira hirurak, Twin Jackal taldearen lehen lana. Londresko Decimal Studios estudioan grabatu zuten Chris Coulter ekoizlearen laguntzaz. EPak oraingoz aurkezpen datarik ez du, baina aurtengo udan kaleratzea espero dute. Bost abestik osatuko dute, eta Erresuma Batuan hainbat aurkezpen kontzertu eskainiko dituzte. Horrez gain, uztailean estudioan sartuko dira berriro ere, ekoizle berarekin, abesti berriak grabatzeko.