Azken Portu Goiko igogailuaren 25 metro luze eta 40 tonako altzairuzko egitura bere lekuan jarri dute gaur goizean. Egitura jartzeko unea bideoan jaso du Xabier Txurruka alkateak, eta bere Twitter kontura igo du. Bien bitartean, gaur Iturribide kalea itxita dago Salbide kalea eta Iturribide kalea lotzen dituen biribilgunetik hasi (Zarauzko Osasun Zentroaren paretik) eta Iturribide kaleko eta Herriberazahar kaleko bidegurutzeraino.