Zarauzko Parrokiak webgunea dauka

Zarauzko Parrokiak webgunea sortu du, eta dagoeneko martxan dago. Kristauek hainbat informazio aurkituko dute bertan. Esaterako, zein diren meza ordutegiak, harremanetarako telefono zenbaki bat, Parrokiako arduradunaren eta laguntzaileen izen-abizenak, eta abar.

Elizarekin lotutako albisteen txokoa ere badu zarauzkoparrokia.org webguneak.

Ezkontza Aurreko Topaketak

Bestalde, aurten ere Ezkontza Aurreko Topaketak antolatu dituzte elizaz ezkontzen diren bikoteentzat.  Martxoaren 13tik 16rako astean elkartuko dira Santa Maria Parrokian (asteartetik ostiralera, 20:30ean). "Bertan beste bikote batzuekin hitz eginez, ezkontzarako prestatzeko aukera izango da", azaldu dute Parrokiatik.