Inaxio “Isasti”(2018-III-01)
Doinua:”Asto baten gainean”
-1-
Zuretzako dijoa
oraingo gutuna
Ezer baino lehenago
esan nahi duguna
da guretzat zarela
maitea,kutuna
Zergatikan zehazki?
Horra erantzuna
Ongarria delako
egiten duzuna
-2-
Eskertu nahi dizugu
zure lan jarrera
Zuk konpontzen baituzu
esate batera
Guk behar dugun ura
ekarriz etxera
Gure edan beharra
guztiz asetzera
Zure laguntzik gabe
gindoaz gain behera
-3-
Zinez nabari dira
zure lanen trazak
Txukunduaz atari
soro ta baratzak
Ondoren babestuaz
beraien urratsak
Koloretsu mantenduz
Oso aberatsak
Noizbehinka tartekatuz
jasanaldi latzak
-4-
Desberdina izan da
orain itzulia
zu azaldu baitzara
hotz eta zuria
Erabat moteldua
Nekez isuria
Hartu behar zenduke
atseden zubia
Hil honetan lasaitu
mesedez euria!!!