Joan den urtean Zarauzko Udalak eta Murkil Zarauzko Merkatari Elkarteak elkarlanean antolatutako Arropa eta Osagarrien Moda Desfileak izandako arrakasta ikusita, aurten ere desfilearen bigarren edizioa antolatzeko asmoa dutela jakinarazi dute.
Horretarako, bilera antolatu dute asteazkenerako otsailaren 28rako, 15:00etan, Etxezabalan. Herriko merkatari guztiei zabaldu diete parte hartzeko aukera, baita desfilearen antolaketan jarduteko ere. Edozein zalantza izanez gero, eta informazioa osatzeko asmoz, merkataritza bulegora jo (Zarautz Lur bulegoa, Salegi kalea 14) edo 943005129 telefono zenbakira deitu dezakete interesatuek.