Aurreko urteetako lankidetza harremana berrituz, Zarauzko Triatloiak dortsal bat utzi du Pagoeta Mendi Lasterketaren eskutan, zozketa bidez eskaini dezan.
Zozketa martxoaren 5ean izango da, eta bertan parte hartzeko Pagoeta Mendi Lasterketako ibilbide luzean (21 km) izena eman beharko da, zozketaren eguna baino lehen. Izena www.kirolprobak.com webgunean eman behar da, eta galdetegia erantzuterakoan adierazi behar da zozketan parte hartzeko nahia.
Zozketa egin ondoren, irabazleak apirilaren 29an izango den Pagoeta Mendi Lasterketako helmugan izango du zain Triatloiaren dortsala. Informazio gehiagorako, Mendi Lasterketaren facebooka edo webgunea kontsultatu.
