Xapaburu Asanbladak auzolanerako deialdia egin du, Putzuzulo gaztetxean haurrentzako txoko bat prestatzen hasteko. Hitzordua larunbat honetarako jarri dute. 09:30ean egin dute lehen deialdia; 10:00etan, bigarrena.
Helburua da txokoak hartuko duen espazioa txukuntzea eta eskulan batzuk egiten hastea. Goiz parteko lana izango da; asmoa da 13:00etarako lanak bukatzea. Segidan, etxetik eramandakoekin hamaiketakoa egingo dute elkarrekin.
Asanbladak jakinarazi du ongi etorria izango dela interesa eta lanerako gogoa daukan oro.