Eguraldiak gehiegi lagundu ez duen arren, giro ederrean eman diete zarauztarrek hasiera Inauteriei. Aurtengoan, Ludotxo ludotekako kideak arduratu dira txupina jaurtitzeaz eta festa girotzeaz. Horretarako, inauteriei buruzko bertsoak abestu dituzte. Galtxagorriek eta txarangak lagundurik, txupinazoaren ondoren alde zaharra girotzen jarraitu dute kalez-kale.