Zarauzko EAJ alderdiarentzat egun berezia izaten da Santa Ageda eguna, gaurko egun batez sortu zutelako Batzokia. Aurten 113 urte bete ditu, eta alderdikide guztiak zoriondu nahi izan ditu Zarauzko Uri Buru Batzarreko lehendakari Joakin Landak.
1905.urtean eraiki zuten lehenengo Batzokia herrian, Sociedad Zarauzko Euzko Batzokia izenarekin. Gipuzkoan ateak zabaldu zituen bosgarren batzokia izan zela azaldu dute. 1904koak dira, esaterako, Errenteriakoa, Pasaiakoa eta Bergarakoa. Urteurrenean ez dute ospakizun handirik egingo, baina alderdikideak gogoratu nahi izan dituzte.