Frantziarekin negozioaketa esparrua irekita dagoela gogoratu du, eta presoak gerturatzeari dagokionean, Frantziak "kontrako jarrerarik erakutsi ez duela" gaineratu du bakegileak.
Tarascongo espetxean dago Ekaitz Sirvent zarauztarra, eta Etxeberrik beste zehaztapenik eman ez badu ere, salbuespen egoerari pixkanaka amaiera emango zaiola jakinarazi du. Haren hitzetan, banakako eskaera batzuk Justizia Ministeriora iritsi dira jada; eta horiek izango dira gerturatuko dituzten lehenak.
Ekaitz 0 km dinamika abiarazi zuen abenduan Zarauzko Sarek, haren egoeraren berri eman eta etxeratzea eskatzeko. Zarauztik 672 kilometrora dago Tarascongo espetxea, eta urruntzeak Sirventi "herriarenganako lotura zailtzeaz" gain, egoera horrek senide eta lagunei arrisku, neke, min eta gastu ugari eragiten dietela salatu zuten. Zarauzko Sarek abenduan jakinarazitakoaren arabera, Sirventek egina zuen Euskal Herri inguruko kartzelatara aldatzeko eskaria.
