Urteari amaiera emateko, Aiako III. Slalom automobilismo proba jokatu zen abenduaren 31n, Ubegun industrialdean atondutako zirkuituan. Urraki eta Lagun Artea lasterketa taldeek antolatu zuten igandean jokatutako proba, eta Gipuzkoako Automobilismo Federazioak izan zuen lasterketa kontrolatu eta puntuatzeko ardura.
22 parte hartzailek jokatu zuten proba; hasiera entrenamenduko bi txanda egin zituzten, eta, ondoren, lehiako beste bi. Errebueltie MKK lasterketa taldeko Eneko Labaka albizturtarrak irabazi zuen, 52:73ko markarekin.
Haren ondoren, Durangalde Racingeko Asier Tejado izan zen bigarren marka onena lortu zuen gidaria, 53:79ko denbora eginez; eta hirugarren sailkatu zen Lagun Artea taldeko kide Gorka Olaizola zarauztarra, 54:26ko marka eginda.
Aiako III. Slalom proban hirugarren izan da Gorka Olaizola
Urtezahar egunean jokatu zen automobilismoko txapelketa, eta Eneko Labaka izan zen garaile.
Zarautz Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide