Asteazken eta ostegun honetan, abenduaren 27an eta 28an, Euskadiko gizonezko seniorren selekzio nagusiak Marokoren aurka jokatuko du. Guztira, hamazazpi jokalari deitu dituzte bi lagunartekoak jokatzeko eta zerrenda horretan hainbat zarauztar daude: Anaitasuna taldeko kide Erik Balenziaga eta Amenabar Zarautzeko Eneko Goenaga, Oihan Balenziaga, Paulo Ostolaza eta Xabat Olaizola. Era berean, Amenabarreko jokalari Mikel Martinez zumaiarra ere bertan izango da.
Hautatzaile lanetan, gainera, Amenabarreko entrenatzaile Aitor Urbitarte Txangurro zarauztarra aritu da, Aitor Etxabururekin eta Unai Arrietarekin batera.
Asteazkenean Oñatin neurtuko dituzte indarrak, Zubikoa kireoldegian, 18:30ean hasita, eta hurrengo egunean, ostegunean, Lezon ariko dira jokoan, 20:00etan.