Partida gorabeheratsua izan zen pasa den larunbatekoa. ZASTeko mutilek "buru-belarri" ekin zioten Santurtziren kontrako partidari, jakinda "asko borrokatu" beharko zutela. Hala, lehen laurdena aurretik bukatu zuten zarauztarrek, 11-13 eginda. Bigarrengoan, aurrea hartu zieten Santurtzikoek, eta 31-19ko emaitzarekin joan ziren atsedenaldira.
Hirugarren laurdena antzekoa izan zen: estu. Iñaki Jimenezenek ez zuten asmatu erasoan eta hiruko parea saskiratu zuen Santurtzik. Xabi Osak erantzun bazuen ere, 51-44 bukatu zuten azken aurreko laurdena. "Ahazteko modukoa" izan zen azkenengoa, 16-2ko partzialarekin Zarauzko taldearen kontra. 67-46 galdu zuten.
Gabonetako atsedenaldiaren ondoren, urtarrilaren 7an izango dute hurrengo hitzordua, etxean, Universidad de Burgos taldearen kontra.