Hasieran aurreko astebururako aurreikusita bazegoen ere, eguraldia eta itsasoaren baldintzengatik asteburu honetara atzeratu dute jokatzen XXII. Zarauzko Surf Txapelketa Herrikoia. Ibon Imaz zenaren omenezko proban hainbat mailatan ari dira lehiatzen parte hartzaileak: master, open, 18 urtetik azpikoak, 16 urtetik azpikoak, alternatibo, longboard, bodyboard, Stand Up Paddle eta tag team kategorietan.