Urriaren 16ra arte eman daiteke izena txalaparta ikastaroan

Aurten ere txalaparta eskolak emango ditu Zurartean elkarteak Imanol Urbieta udal musika eskolan. Aurki hasiko dute ikasturtea eta interesa dutenek dagoeneko eman dezakete izena. Horretarako, 695-716878 telefonora deitu daiteke edota zurartean@gmail.com helbidera idatzi, urriaren 16a baino lehen.

Ikastaro horren helburua da txalaparta zaharra eta gaur egungo joeren inguruan sakontzea, bat-bateko saioen eta ariketa idatzien bidez. 9 urtetik gora dituzten haurrentzako eta helduentzako ikastalde berezituak antolatuko dituzte, maila guztientzat eta Eusko Jaurlaritzako Hezkuntza sailak gaitutako irakasleek gidatuko dute.