Kataluniako erreferendumari elkartasuna agertu diote herritarrek

Diada egunarekin bat eginez, Kataluniako urriaren 1eko erreferenduma babesteko elkarretaratzea egin dute gaur arratsaldean Lege Zaharren enparantzan. Demokrazia hitza irudikatu dute, baita Els Segadors ereserki katalana abestu ere. Larunbaterako manifestazioa deitu du Gure Esku Dago dinamikak Bilbon, eta autobusak antolatu dituzte Zarauztik bertaratzeko; izena ohiko lekuetan eman daiteke, ostirala bitartean.