Modelo aurrean hamaiketakoa eginez abiatu dute gaur Bertso Eguna herrian. Ondoren bertso txapelketa ibiltariari hasiera eman diote, eta zortzi taberna zeharkatuko dituzte Motxian bertso eskolako kideek eta bertsozaleek. Bazkaldu ondoren jokatuko dute finala.
Motxian bertso eskolako kideak "gustura" dira aurtengo Bertso Asteak izan duen harrerarekin. Gaurko antolatu duten Bertso Egunean ere jendetza bildu da, eta nabarmendu dute "harrera ona izaten duela ekimenak, erantzun oso ona izaten dugu bertsozaleen aldetik".