Liburuetako ilustrazioen inguruko erakusketa zabalduko dute gaur

Zarauzko Hitza 2017ko uztailaren 14a
Deskargatu Info Ahotsak :

Rafael Munoak, Regina Gomezek eta Ruth Colomak DOA gobernuz kanpoko erakundeari eskainitako irudiak ikusgai izango dira uztailaren 28ra arte, Zazpin.

Rafael Munoa ilustratzaileak egin zituen Iñaki Bidegainen Ricardito y el caiman liburuko marrazkiak. Irudi originalak DOA Denok Osasunaren Alde gobernuz kanpoko erakundeari eman zizkion egileak. Hura hil ondoren, bide beretik jarraitu zuen Regina Gomezek eta Ruth Colomak: El niño que miraba el mar liburuko marrazkiak eskaini zizkion Gomezek erakundeari eta Colomak, berriz, Cuentos reales y magicos del oriente amazonico boliviano lanerako prestatuko irudiak.

Marrazki horiekin guztiekin erakusketa prestatu du Zazpi kultur elkarteak eta gaur inauguratuko dute, 20:00etan. Uztailaren 28ra arte egongo da ikusgai marrazki bilduma, egunero, 19:00etatik 21:00era.

Kultura Zarautz

Zarautz Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide