‘Shine’ filma eskainiko dute gaur, Modelo aretoan

Gaur izango da Agifes elkarteak antolatutako Zinema eta buru osasuna zikloko laugarren eta azken emanaldia. Shine filma emango dute Modelon, David Helfgott piano jotzailearen biografian oinarritutako lana. Helfgottek aitaren aldetik tratu txarrak jasan zituen txikitan, eta horren ondorioz, hainbat nerbio krisi izan zituen. Emanaldiaren ostean, solasaldia izango da Agifeseko kideek nahiz hainbat psikologok gidatuta. 19:00etan hasiko da eta sarrera doan izango da.