Bidasoako Itzulia dela-eta, Nafarroa kalea itxiko dute ostiralean

Orion hasi eta amaituko da Bidasoa Itzuliko 3. etapa, ostiral honetan, eta txirrindulariak bi aldiz igaroko dira Nafarroa kaletik: lehen aldiz, 14:32ean, Getariako noranzkoan, eta bigarrenez, 17:09ean, Oriora bidean. Parte hartzaileen segurtasuna bermatze aldera, Nafarroa kalea trafikoari itxiko zaio txirrindulariak igaro baino 30 minutu lehenago, eta hauek pasa ondoren zabalduko dute. Mugikortasun sailetik herritarrei eskatu diete ordu tarte horietan Nafarroa kalea ekidin eta herritik mugitzeko kale alternatiboak erabiltzeko.