Gaur goizean, infantil mailako XXI. Gonzalo Urkia futbol txapelketa jokatu da Asti kirol gunean, Zarautz Kirol Elkarteko futbol atalak antolatuta. 12 talde bildu ditu txapelketak, eta lehia estua jokatu dute futbol taldeek azken unera arte. Zarautz Kirol Elkarteak eta Zumaiako Futbol Taldeak jokatu dute finala, 14:00ak inguruan. Markagailua (0-0) berdinduta amaitu dute partida, eta penaldietan Zumaiak irabazi du txapelketa.
Giro ederra izan da Astin goiz-eguerdi partean, eta antolatzaileak gustura dira txapelketak izan duen harrerarekin.
Sailkapena:
1.- Zumaiako Futbol Taldea
2.- Zarautz Kirol Elkartea
3.- SD Eibar
4.- Aurrera Ondarroa