Eusko Jaurlaritzako Visesa entitate publikoak otsailean aurkeztu zuen Aldapeta urbanizatzeko proiektuaren aldaketa dokumentua, udalak izapidetu zezan. Udalak 2016ko irailaren 29an onartu zuen behin betikoz Aldapetako hiri antolamenduaren plan berezia aldatzea. Aldapetan egitekoak diren eraikin berrira egokitzeko, Visesak urbanizazio proiektua moldatu du, eta bertan jaso du baita ere Vista Alegreko irisgarritasuna hobetzeko bi igogailuak.
Tokiko Gobernu Batzarrak gaur bertan eman dio hasierako onespena Aldapeta urbanizatzeko proiektuari. Orain jendaurrean egongo da espedientea, zehazki, 20 egunez. "Izapide hau 30 etxebizitza tasatuen zozketa aurreko azken pausoetako bat da", adierazi dute udaletik. Zozketa apirilean dira egitekoak.