Grimm anaien ipuin ospetsuan oinarrituta dago antzezlan hori. Protagonista, Jon, "habitik" atera eta beldurraren bila abiatuko da eta bidean hainbat arriskuri egin beharko dio aurre: maitagarriegia den mamu bati, pirata ezpatari bati, kapadun banpiro bati, besteak beste.
Txalo produkzioak-ek ekoitzi du lana eta Begoña Bilbaok zuzendu. Alfonso Diez eta Aitor Fernandino aktoreak sudurrik gabeko clown-etan bihurtuta haurren irribarreak eragingo dituzte.
Martxoaren 5ean, Modelo aretoan eskainiko dute antzezlana, 16:30etik aurrera. Sarrerak dagoeneko jarri dituzte salgai. Interesa dutenek Sanz Enea kultur etxean eskura ditzake.