Xabier Euzkitze eta Txus Manterola izango dira gaurko 'Ur Handitan' telesaioan

Xabier Madariaga kazetariak gidatuta, hainbat harrera familia aurkeztuko ditu gaur gauean ETB1 kateko Ur Handitan saioak, 22:20etik aurrera. Familietako bat Xabier Euzkitze eta Txus Manterolarena izango da: seme biologiko bat dute, adoptaturiko 12 urteko neskatxa bat, harrera familia mugagabean harturiko 9 urteko mutikoa, eta oraintsu laugarren haur bat batu zaie, urgentziazko harreran hartutakoa.