%2014.49.33.png)
Emakumezkoetan, bi euskal surflarik hartu dute parte aurten Israelgo Pro Netanya surf proba: Ainara Aymat zarauztarra eta Garazi Sanchez getxoztarra. Biak maila onean aritu dira, eta, hain justu ere, elkarren aurka indarrak neurtzea tokatu zaie finalerdietan.
Sanchez hobeto moldatu da kanporaketan, eta 13.94 puntu lortu ditu (8.17 eta 5.77); Aymatek, berriz, 8.26 puntu erdietsi ditu (4.83 eta 3.43). Ondorioz, getxoztarra sailkatu da finalerako, eta azkenean txapelketa bereganatu du, Marisa Shaw estatubatuarraren aurka.