1982an sortu zuten taldea Zestoan, baina Devorando las calles euren lehenbiziko diskoak duela 30 urte ikusi zuen argia. Urtemuga hori aitzaki hartuta, birari ekingo diote datorren apirilean gaur egun Zarautzen entseatzen duen taldeak. Kideetako batzuk, gainera, Zarautzen bertan dira.
Lehenbiziko lan hori bere horretan joko dute zuzenekoetan eta horretarako bateria-jole berri bat izango dute lagun: Ibi Sagarna, Barricada eta Estigia taldeetan aritutakoa. Hona hemen datak: apirilaren 1ean Valentzian, apirilaren 7an Oviedon, apirilaren 8an Leonen, maiatzaren 13an Torrelavegan, maiatzaren 19an Valladoliden eta maiatzaren 20an Salamancan. Aurreratu dute aurrera begira beste hainbat kontzertu ere eskainiko dituztela.