Aurreko ostiralean, Gipuzkoako merkataritza enpresa onenaren saria jaso zuen Croqueta y Presumida enpresako Jose Luis Gesalagak, Gipuzkoako Bazkundearen eskutik, eta berari egokitu diote aurten argiak pizteko ardura. Murkileko kideak ere bertan egongo dira, udaleko ordezkariekin batera. Ekitaldian Gabon kantak abestuko ditu Schola Cantorum abesbatzak.
Gabonetako argiei dagokienez, udalak auzo batzuetan argiak jartzeko ahalegina egin du aurten. Hori horrela, Mitxelena, Zelai Ondo eta Itxasmendi auzoetako biribilgune batzuk argiztatu eta Nafarroa kaleko argiak berreskuratuko dituzte, herria bere osotasunean Gabon argiekin apainduta egon dadin.