Harrera ona Howe Gelben kontzertuak

Future standards disko berria ostiralean argitara eman eta larunbatean zuzenean aurkeztu zuen Modelo aretoan, hiruko formatuan. Musikari estatubatuarraren proposamen berria jazz girokoa da, nahiz eta emanaldian aurretik lantzen zituen country-rock joerako bizpahiru abesti jo zituen. Jende dezente gerturatu zuen aretora, eta bukaeran diskoak sinatzen ere aritu zen. Howe Gelb Piano Trioren aurretik, Grupo Mare Baixa aritu zen zuzenean.