Txiki Txiki Txikia jaialdi bereziaren barruan, Imaginart taldeak Sensacional ikus-entzunezko espazioa atonduko du Modelo aretoan, 18 hilabete eta 3 urte bitarteko haurrentzat. Igandean izango da ikuskizuna, goizez zein arratsaldez: 15-20 minutuko saioak izango dira, 10:30ean eta 16:00etan hasita. Sarrerak 4 euro balio du, eta aurretik eros daiteke Sanz Enea kultur etxean
Aipatu jaialdia hirugarren urtez antolatu dute Euskal Herrian, eta Kataluniako El mes petit de tots jaialdiaren anaia txikia da. 0 eta 5 urte bitarteko haurrentzat pentsatutako ikuskizunak eta esperientziak eskaintzea du helburu, eta haurrei guztia gertutik jarraitzeko aukera ematen zaie, ikuzkizuna bertatik bertara goza dezaten.