Laugarren urtez, eskolarteko haurrei zuzendutako txapelketa antolatu du ZKE Xake Taldeak. Azaroa eta abenduan jokatuko da Zarauzko xake txapelketa, eta, hasiera batean, sei jardunaldi izango ditu: azaroaren 12, 19 eta 26an, eta abenduren 3, 10 eta 17an. ZKEren egoitzan jokatuko dira partidak, 16:00ean hasita. Egun eta partida kopuruak partaide kopuruaren arabera finkatuko dituzte.
Bi maila bereizi dituzte: batetik, aurrebenjamin-benjaminak, LH1 eta LH4 arteko jokalariak, eta bestetik, kimu-infantilak, LH5 eta DBH2 arteko jokalariak. Aurten, gainera, kimu-infantil mailako txapelketak baligarriak izan go dira Gipuzkoako Eskolarteko Txapelketako finalera sailkatzeko.
Parte hartu nahi dutenek zkexaketaldea@gmail.com helbidera idatzi dezakete, norbere izen-abizenak eta maila adierazita, edo 636-61 43 91 (Ander Zulaika) telefonora deituta; edozein zalantzak argitzeko ere harremanetarako bi bide horiek erabili daitezke.
Izena ematea dohainik da, eta epea azaroaren 10ean, ostegun honetan, bukatuko da.