Ostiralean Nik Tri triatloi elkarteak bilera berezia egingo du, 2016-2017 denboraldia aurkezteko. Ikasturte berrian Triatloi Eskola jarriko dute abian, eta horren nondik norakoak azalduko dituzte ekitaldian. Horren helburua da triatloiaren mundura hurbildu eta kirolaz gozatu nahi duen edonori laguntza eta baliabideak eskaintzea. Hastapen mailan zein errendimendua hobetu nahi dutenentzat egongo da zuzenduta.
Bilera Aritzbatalde kiroldegiko areto nagusian izango da, 20:00etan. Informazio zabalagoa Nik Triren webgunean aurki daiteke.