Zortzi urte geroago, Pausoka ekoizpen etxeak gazteei zuzendutako Go!azen telesailari heldu dio berriro ere. Aurki hasiko dira ETBn ematen, baina lehen atala herriz herri estreinatzen ari dira hilabete honetan, Gasteizko FesTVal jaialdian aurrez estrenatu ondoren.
Asteburuan Tolosan eman zuten; bihar Donostian; eta asteazkenean, Zarauzko Modelo aretoan ikusteko aukera izango da, 17:00etan. Ondoren, Irun, Sondika, Azkoitia, Ermua, Iruña, Zornotza, Beasain, Amurrio, Zalla, Zumarraga eta Gabirian pantailaratuko dute, hurrenez hurren.