Izena eman daiteke Txalaparta Eskolan

Aurten ere txalaparta eskolak emango ditu Zurartean elkarteak Imanol Urbieta udal musika eskolan. Aurki hasiko dute ikasturtea eta interesa dutenek dagoeneko eman dezakete izena. Horretarako, 695-716878 telefonora deitu daiteke edota zurartean@gmail.com helbidera idatzi, urriaren 20a baino lehen.

Ikastaro horren helburua da txalaparta zaharra eta gaur egungo joeren inguruan sakontzea, bat-bateko saioen eta ariketa idatzien bidez. Ume eta helduentzako ikastalde berezituak antolatuko dituzte, ikasmaila guztientzat eta Eusko Jaurlaritzako Hezkuntza sailak gaitutako irakasleek gidatuko dute.